WordPress to je modernŏ symantycznŏ platforma publikowaniŏ, co dŏwŏ pozōr na estetykã, standardy necu i kōmfort używaniŏ. WordPress je wrŏz darmy i bezcynny.
WordPress je ajnfach tym, co chcesz używać, jak chcesz robić ze blogowym softwerym, a niy z nim walczyć.
Tukej idzie sebrać nŏjnowszõ, darmõ, wersyjõ WordPressa po ślōnsku.
Jeźli niy wystyknōm Ci fōnkcyje lifrowane bez sōm WordPress, mogesz zeszukać ôdpednich przidŏwkōw, a coby wyglōndoł jeszcze paradnij, znŏjdź dlŏ siebie jaki fajny tymat.
Coby dostać pōmoc przi instalowaniu abo ô używaniu WordPressa, wejzdrzij do naszyj dokumyntacyje we Twojij gŏdce.
Do używaniŏ WordPressa fołdrowany je serwer WWW z podporōm PHP i serwer MySQL!
Coby zainstalować WordPress społym ze ślōnskim przekłŏdym:
Sebier paket ze zbiorami.
Skopiyruj rozpakowane zbiory na swōj serwer WWW.
Przestōmp do katalogu ze posłanymi zbiorami bez swojã internetowõ przeziyrŏczka i sprŏw pokŏzowane instrukcyje.
Coby przidać ślōnski przekłŏd do terŏźnyj instalacyje WordPressa:
Sebier paket z ślōnskim przekłŏdym.
Skopiyruj wszyjske zbiory z katalogu wordpress/wp-content/languages paketu do katalogu wp-content/languages swojij instalacyje WordPressa.
Edytuj zbiōr wp-config.php we bazowym katalogu ze zbiorami WordPressa i ôdnŏjdź w nim wiyrsz:
define(‚WPLANG’, ”);
a dalij pōmiyń go na:
define(‚WPLANG’, ‚szl’);
Jeźli takigo wiyrsza niy ma we Twojim zbiorze wp-config.php, ajnfach go dopisz (bp. po wiyrszu $table_prefix = ‚wp_’;).
Wiela szpasu ze WordPressym!
