Prang Iwo Jima

Prang Iwo Jima (19 Februari – 26 Maret 1945) nakeuh prang rayek dipat Korps La'ôt Amerika Serikat (USMC) ngön Angkatan La'ôt Amerika Serikat (USN) jitron sampoë akhéjih jireubôt pulo Iwo Jima nibak Teuntra Kekaisaran Jeupang (IJA) bak masa Prang Dônya II. Invasi Amirika, nyang geukheun Operasi Detasemen, meutujuan keu geucok pulo nyan ngon dua boh lapangan udara: Mideuën Tunông ngon Mideuën Teungöh.

Posisi Aseuka Jeupang di pulo nyan that geubenteng, ngon jaringan bunker nyang padat, posisi artileri nyang meusom, ngon 18 km (11 mi) terowongan. Angkatan darat Amerika jidukông lé artileri angkatan laôt yang luah dan na supremasi udara yang leungkap yang disediakan le pilot angkatan laôt AS dan Korps Marine seulama prang. Prang nyang trep jih limong minggu nyan jeuet keu salah saboh prang nyang paleng seungit ngon paleng meudarah seulama Prang Pasifik .

Ureuëng maté lam prang Jeupang nakeuh lhèë go leubèh nibak ureuëng maté Amerika, tapi nyang unik lam prang La'ôt Prang Pasifik, korban Amerika (maté ngon luka) leubèh nibak korban Jeupang. Dari 21.000 droë teuntra Jeupang nyang na di Iwo Jima bak awai prang, 216 droë mantong nyang jidrop, na nyang jidrop mantong sabab hana sadar atawa cacat. Seubagian rayek nyang teusisoe mate lam prang, teutapi kira-kira 3000 droe sabe meulawan lam meubagoe sistem gua seulama padum uroe lheuh nyan sampoe awak nyan akhe jih meuninggai kareuna luka ato menyerah padum minggu lheuh nyan.^[1]Bah pih na prang ngon korban nyang brat that bak bandua blah pihak, keumeunangan Amirika ka teupeujamin dari awai. Keu-unggulan Amerika nyang that rayeuk lam jumlah ngon teunaga apui, supremasi udara, hana mungkén Jeupang jisurôt atawa jibri bantuan, ngön kureuëng that makanan ngön pasokan keu Jeupang, jeuët keu hana mungkén Jeupang meunang lam prang nyan.^[2]

Tindakan nyoë jeut keu kontroversial, deungön Keupala Operasi Angkatan Laot yang ka pensiun William V. Pratt geupeugah bahwa pulo nyan hana guna keu Angkatan Darat seubagoë pangkalan pementasan dan hana guna keu Angkatan Laot seubagoe pangkalan armada. Jeupang teutap na radar peuingat awai nibak pulo Rota, nyang hana tom jiseurang. Peungalaman ngon prang-prang sigohlom nyan di pulo-pulo Pasifik geutunyok bahwa pulo-pulo nyan akan geupeutheun ngon jroh ngon meunan korban akan signifikan.

Foto Joe Rosenthal bak peu ek bandera Amerika di ateuh gunong Suribachi nyang manyang 169 m (554 ft) gaki lé nam droë Marinir Amerika jeuët keu saboh citra nyang that meusyeuhu bak prang ngon usaha prang Amerika di Pasifik.