Gibraltar

Gibraltar
	; Liggynge van Gibraltar in Europa; 🌍 36°8′19″N 5°20′50″W
Officiële toale	Yngels
Hoofdstad	Gibraltar
Stoatsvorm	Brits overzees territorium
Stoatshoofd	Keunink Charles III van 't; Verênigd Keuninkryk
Êerste minister	Fabian Picardo
Ippervlak	6,8 km²
Inweuners	32.688 (2022)
Bevolkiengsdichtheid	5.000 inw./km²
Munte	Gibraltareesche pound (GIP)
Tydzone	UTC+01:00 (MET); UTC+02:00 (MEZT) (zomer)
Landcode	GI, GIB
Telefongcode	350
Internet-TLD	.gi
Nationale fêestdag	10 september

Dat artikel es geschreevn in 't Noordelik West-Vlams.

Gibraltar is e Brits overzees gebieëd geleegn an 't zudelik ende van 't Iberisch Schiereiland by d'n ingank van de Middellandsche Zêe. De stad hèt 'n ippervlak van 6,8 km² en e nôordelike grenze met Andalusië, Spanje. De Rotse van Gibraltar is de belangrykste bezieënsweirdigheid. D' economie is surtout gebaseerd ip toerisme, financiële dieënst'n en de scheepvoart. De noame komt uut 't Arabisch: جبل طارق - jabal Tariq: d'n berg van Tariq, achter de Moorsche legerleider Tariq ibn Zijad.

Gibraltar wierd in 1704 binst de Spoansche Successieoorlog deur 'n Yngels-Nederlandsche troepemacht ip Spanje veroverd. 't Gebieëd wierd ton in 1713 oender de Vrede van Utrecht "vor altyd" overgedreegn an 't Keuninkryk Grôot-Brittannië. De soevereiniteit van Gibraltar is e punt van discuusje in de Brits-Spoansche reloasje omda Spanje ansproak makt ip Gibraltar. Gibraltareezn verwierp'n vôorsteln vo Spoansche soevereiniteit by referenda in 1967 en loater were in 2002. Volgns de Gibraltareesche groendwet van 2006 regelt Gibraltar zyn eign zoakns, alhoewel da sommigte bevoegdheed'n, lik defensje en buut'nlandsche zoak'n, de verantwoordelikheid bluuvn van de regerynge van 't Verênigd Keuninkryk.